Dorrit Moussaieff, fyrrverandi forsetafrú Íslands, kíkti á jólastemninguna í miðbæ Reykjavíkur í gærdag ásamt loðnum vini sínum, hundinum Samson. Tvíeykið settist meðal annars inn á veitingastaðinn Kastrup við Hverfisgötu og hlýjaði sér við barinn. 

Fyrrverandi forsetafrúin deildi krúttlegu myndskeiði af sér og Samson inni á veitingastaðnum á Instagram-síðu sinni og sagði staðinn vera í miklu uppáhaldi, sérstaklega þar sem hundar væru leyfðir þar. 

Dorrit, sem stígur ekki feilspor þegar kemur að klæðaburði, var einstaklega glæsileg til fara í brúnleitri ullarpeysu, hnéháum stígvélum og með ljósa húfu á höfði. Samson virtist afar sáttur með lífið og tilveruna og dillaði skottinu fram og til baka. 

Frétt af mbl.is

Samson sem er klónaður undan Sámi er fæddur

Hundurinn Samson, sem er klónaður undan forsetahundinum Sámi, kom í heiminn í Bandaríkjunum þann 25. október 2019.