Þetta segir Ólöf Örvarsdóttir, sviðsstjóri umhverfis- og skipulagssviðs Reykjavíkurborgar, í samtali við Morgunblaðið.

Frétt af mbl.is

Bera fyrir sig einföldun reglugerða

Viðstaddir fundinn verða, auk Ólafar, fulltrúar eigendanna, hönnuður vöruhússins, skipulagsfulltrúi, fulltrúi borgarlögmanns og fulltrúi frá atvinnuskrifstofunni. Eigendur vöruhússins eru félögin Eignabyggð og Klettás sem hvort um sig á 50% hlut í félaginu Álfabakka 2 ehf.

„[Við ætlum] aðeins að setjast yfir þetta með þeim, hvort það séu einhverjir fletir á því að breyta þessu og lágmarka þessi áhrif. Auðvitað eru þeir með sínar heimildir í skipulagi og uppfylla þeir öll ákvæði byggingarreglugerðar. Þannig að þetta er í fyrsta lagi bara að taka þetta samtal, horfa á þetta saman og sjá hvaða leiðir eru færar til að lágmarka neikvæð áhrif á nærliggjandi byggð,“ segir hún.

Frétt af mbl.is

Þungaflutningar fari í gegnum íbúahverfið

Ólöf segir skipulagsskilmála vera rúma á lóðinni og að allir skilmálar hafi verið uppfylltir.

„En það er ákveðið metnaðarleysi í hönnun hússins. Það er bara þannig. Engu að síður uppfyllir það skipulagsskilmála, sem voru nokkuð rúmir í þessu tilviki,“ segir hún og nefnir að það hefði meðal annars mátt huga betur að hlið hússins sem snýr að fjölbýlishúsinu við hliðina.

Lesa má nánar um málið í Morgunblaðinu í dag