„They are so cute,“ segir Kristin í myndavélina í TikTok-myndbandi þegar hún nálgast lunda á hringferð sinni um landið. 

Kristin og Kyle eru erlendir ferðabloggarar með tæplega 90.000 fylgjendur á TikTok. Eitt meginmarkmið ferðarinnar til Íslands virðist hafa verið að bera þennan litla, sæta og skrautlega sjófugl augum.

Myndbandið er mjög hjartnæmt en það var nánast í enda hringferðarinnar sem þau sáu lunda. Í myndbandinu fylgir texti með upplýsingum um hvernig lundinn hegðar sér í náttúrunni og ekki nóg með það heldur er Kristin með prjónaða lundahúfu á höfðinu sem vekur athygli fylgjenda samkvæmt athugasemdum við myndbandið.

Hún er ítrekað spurð hvar hún fékk húfuna og segist hún hafa keypt hana í gjafabúðinni Seljalandsfoss á Hvolsvelli.