Olaf Scholz, kanslari Þýskalands og Donald Trump, verðandi forseti Bandaríkjanna, eru sammála um að stríð Rússlands gegn Úkraínu hafi staðið yfir allt of lengi.

Þetta segir í yfirlýsingu frá þýsku ríkisstjórninni en Scholz og Trump funduðu í gegnum síma fyrr í dag.

Frétt af mbl.is

Norðurkóreskir hermenn í árásarliði Rússa

Mun styðja Úkraínu eins lengi og þörf krefur

Kemur fram í yfirlýsingunni að mennirnir tveir hafi sammælst um að bráðnauðsynlegt væri að koma á „réttlátum, sanngjörnum og varanlegum friði“ á milli Rússlands og Úkraínu.

Þá kom þar einnig fram að Scholz muni halda áfram að styðja Úkraínu í vörn sinni gegn yfirgangi Rússlands eins lengi og þörf krefur.

Frétt af mbl.is

Forgangsmál að stöðva stríðið í Úkraínu

Bandaríkin og Evrópa þurfi að vinna saman

Á leiðtogafundi í Brussel í dag ítrekaði Volodomír Selenskí Úkraínuforseti að Kænugarður þyrfti bæði stuðning Bandaríkjanna og Evrópu til að ná fram varanlegum friði.

„Ég held að aðeins Bandaríkin og Evrópa í sameiningu geti raunverulega stöðvað Pútín og bjargað Úkraínu,“ sagði Selenskí í dag.