Vilhjálmur prins af Wales og Katrín prinsessa hafa birt jólakort fjölskyldunnar í ár. Að þessu sinni ákváðu þau að birta myndskeið af kortinu á Instagram með snjó-filter yfir. 

Myndin sem varð fyrir valinu í ár hefur áður birst opinberlega og er stilla úr myndskeiði sem William Warr tók fyrir hjónin þegar tilkynnt var að Katrín hefði lokið lyfjameðferð. Sjálfur segir Warr að það hafi verið mikill heiður að eiga þátt í jólakorti fjölskyldunnar í ár.

Athygli vekur að fjölskyldan ætlar að brjóta hefðir í ár og taka ekki þátt í jólaboði stórfjölskyldunnar í Buckingham höll. Hún ætlar þó að taka þátt í hátíðahöldum í Sandringham sem er minna í sniðum og aðeins fyrir nánustu fjölskyldumeðlimi.

Jólakort Katrínar og Vilhjálms. Skjáskot/Instagram