Hafdís Björg Kristjánsdóttir einkaþjálfari og Kristján Einar Sigurbjörnsson, oftast kallaður Kleini, eru hætt saman. Þau hófu samband sitt í mars 2023 en nú er það komið á endastöð og parið flutt í sundur en þau voru nýfarin að búa saman í húsi í Garðabæ. 

Kleini segir í samtali við Smartland að það hafi ekkert sérstakt komið upp á. 

„Staðan er að við erum mjög góðir vinir, enda deildum við einstaklega fallegum tímum saman. En núna er komið að nýjum kafla í lífi okkar beggja,“ segir Kleini. 

Kleini opnaði á dögunum húsgagnaverslun þar sem hann selur notuð húsgögn. Hann sagði frá því að hann hefði ekki eytt krónu í fyrirtækið og væri mjög sáttur. 

Hvað tekur nú við hjá þér?

Ég ætla að halda áfram að einbeita mér að því að móta mína framtíð og halda áfram að vinna hörðum höndum og láta drauma mína verða að veruleika. Ég ætla að byggja fyrirtækin mín upp og gera allt sem ég get til að ná þeim markmiðum sem ég hef sett mér. Þetta er mitt ferðalag - að verða betri manneskja í dag en ég var í gær og halda áfram að gera mitt besta, skref fyrir skref,“ segir Kleini. 

Smartland óskar Hafdísi og Kleina góðs gengis í lífsins ólgu sjó.  

Hafdís Björg Kristjánsdóttir og Kristján Einar Sigurbjörnsson. mbl.is/Arnþór Birkisson