Vegagerðin hvetur ökumenn til að fara ekki af stað í ferðalög á milli landshluta fyrr en á milli klukkan 10 og 12.

Spáð er mjög slæmu veðri í dag á landinu, sérstaklega vestanlands.

Frétt af mbl.is

Gul viðvörun í gildi: Suðaustan stormur

Búast má við því að það taki tíma að opna vegi núna í morgunsárið, að sögn Vegagerðarinnar.

Ökumenn eru einnig hvattir til að skoða umferdin.is áður en þeir leggja af stað og á meðan á ferðalagi stendur.

Krapi á Hellisheiði

Óvissuástand er á mörgum fjallvegum í dag, þar á meðal á Öxnadalsheiði, og geta þeir lokast án fyrirvara.

Búið er að opna veginn um Hellisheiði en þar er krapi og eru vegfarendur beðnir um að aka með gát og taka tillit til moksturstækja.