„Hann er mjög opinn og skemmtilegur og hefur alltaf tengt mjög vel við stuðningsmennina,“ sagði Skagamaðurinn og knattspyrnumaðurinn fyrrverandi Arnór Smárason í Dagmálum.

Arnór, sem er 36 ára gamall, lagði skóna á hilluna á dögunum en hann á að baki farsælan atvinnumannaferil í Hollandi, Danmörku, Svíþjóð, Rússlandi og Noregi.

Miklar hæðir og lægðir á ferlinum

Gerði þrenn stór mistök

Arnór lék með Esbjerg í Danmörku frá 2010 til ársins 2013 en þar var hann samherji finnska markvarðarins Lukas Hradecký sem er í dag fyrirliði Þýskalandsmeistara Bayer Leverkusen og finnska landsliðsins.

„Hann er kolbilaður í umferðinni, öskrar og blótar, alveg sama hversu stórt eða lítið það er,“ sagði Arnór.

„Ég man alltaf eftir fyrsta leiknum hans. Hann fékk tækifæri og gerði þrenn risastór mistök. Mjög stuttu eftir þetta fór hann til augnlæknis og fékk linsur við hæfi. Hann leit ekki um öxl síðan og ferillinn hans talar sínu máli.

Það var mjög góð ákvörðun hjá honum að fara til augnlæknis og hann er gott dæmi um leikmann sem hefur alltaf tekið rétta skrefið,“ sagði Arnór meðal annars.

Viðtalið við Arnór í heild sinni má nálgast með því að smella hér eða á hlekkinn hér fyrir ofan.

Arnór Smárason og Lukas Hradecky. AFP/Karim Jaafar/Sascha Schuermann