Rólegt í veðri um áramótin
Veður | 30. desember 2024
Hitaspá um miðnætti á gamlárskvöld.
Ljósmynd/Veðurstofa Íslands
Setja bókamerki
Kalt verður um áramótin og rólegt í veðri.
Kalt verður um áramótin og rólegt í veðri.
Norðaustanátt verður sunnanlands snemma á gamlársdag með snjókomu og skafrenningi en léttir til og lægir þegar líður á daginn, að því er segir í tilkynningu frá Veðurstofu Íslands.
Þá verður hægur vindur á gamlárskvöld og léttskýjað sunnan- og vestanlands, en eitthvað um él norðaustanlands.
Í ljósi þess að lítið verður um vind og mikið um flugelda má gera ráð fyrir slæmum loftgæðum á gamlárskvöld og fram á nótt, sérstaklega á þéttbýlum svæðum.
Fyrsti dagur nýja ársins verður að mestu bjartur, breytileg átt 5-13 m/s, með stöku éljum norðaustantil.
Frost verður 5 til 18 stig. Kaldast verður inn til landsins og upp til fjalla.
