Helga Árnadóttir, framkvæmdastjóri sölu-, rekstrar- og þjónustu Bláa lónsins, segir að fyrirtækið finni ekki fyrir afbókunum þrátt fyrir að eldgos hafi gengið nærri starfseminni í bókstaflegri merkingu.

Loka þurfti Bláa lóninu í 15 daga eftir að síðasta eldgos hófst og fór hraun yfir bílastæði fyrirtækisins. Í framhaldinu var búin til ný bílaaðstaða í snarhasti sem tekin var í gagnið skömmu fyrir jól.

Fleiri stæði í vor 

„Það hefur gengið vel að notast við þessi stæði og við stefnum að því að bæta við fleiri stæðum áður en háannatíminn hefst í vor,“ segir Helga.  

Helga Árnadóttir, fram­kvæmda­stjóri sölu, rekstr­ar og þjón­ustu Bláa lóns­ins. Bláa lónið. mbl.is/Kristinn Magnússon

Hún segir það ekki tilfinningu fyrirtækisins að þeir ferðamenn sem hingað koma hræðist eldgos, heldur hafi þeir frekar sýnt jarðhræringunum mikinn áhuga.

Frétt af mbl.is

Rýkur úr varnargörðum sem verja nýtt bílastæði Bláa lónsins

Fyrirtækið hafi ekki fundið fyrir afbókunum í kjölfar þess. Þá sé jákvætt að það virðist hafa haft lítil áhrif á bókunarhraða. 

„Við erum sátt og okkur líst ágætlega á innflæðið ef miðað er við stöðuna sem við erum í,“ segir Helga.