Stórstjörnurnar Angelina Jolie og Brad Pitt hafa loks náð samkomulagi um skilnað eftir átta ára deilur, að sögn lögmanna Jolie.

Jolie og Pitt giftu sig árið 2014 og eiga sex börn. Jolie fór fram á skilnaðinn árið 2016. Hún sakaði Pitt um að hafa beitt sig og tvö börn þeirra ofbeldi í einkaþotu það árið.

Pitt var ekki ákærður í kjölfar lögreglurannsóknar og hefur neitað ásökunum. Lögmenn hans hafa ekki tjáð sig um skilnaðinn.

Frétt af mbl.is

Jolie sækir um skilnað frá Pitt

Frétt af mbl.is

Jolie ýjar að heimilisofbeldi

Greina á um forsjá barnanna og vínekru

Þá hafa Jolie og Pitt átt í forsjárdeilu síðustu mánuði eftir að þau greindu frá skilnaði sínum.

Það er óvíst hvort samkomulagið um skilnaðinn bindi enda á annan ágreining þeirra um frönsku vínekruna Chateu Miraval. Þau keyptu vínekruna árið 2008 og héldu þau brúðkaupið sitt þar.

Árið 2022 sakaði Pitt Jolie um að hafa selt rússneska ólígarkinum Yuri Shefler hlut sinn í eigninni án hans vitundar. Jolie tjáði sig ekki málaferlin á þessum tíma.

Frétt af mbl.is

Deilurnar halda áfram

BBC