Hafdís Björg Kristjánsdóttir einkaþjálfari leitar að húsnæði til leigu á félagsmiðlum. Hafdís býr í Garðabæ um þessar mundir en hún og Kristján Einar Sigurbjörnsson, Kleini, hættu saman á dögunum eftir tæplega tveggja ára samband. Parið leigði 364 fm einbýli við Löngumýri í Garðabæ sem reist var 1985. Parið flutti inn í haust þegar allt lék í lyndi.

Um mánaðamótin mars/apríl þarf Hafdís nýtt húsnæði fyrir sig og fjögur börn sín. Hafdís vill helst búa í 102 Reykjavík, 105, Reykjavík eða 108 Reykjavík og tekur fram í auglýsingu að dýrahald verði að vera leyft. 

Hafdís sagði frá því í haust að parið hefði flutt í Garðabæ því þau hefðu ekki fundið nægilega stórt húsnæði fyrir sig og sína í Hlíðunum. 

Húsið sem Hafdís býr í var auglýst til sölu 16. apríl 2024 og sett verð er 193.900.000 kr. Húsið er ennþá óselt. 

Smartland óskar Hafdísi góðs gengis og vonar að hún finni íbúð í tæka tíð!