Eva Björg Sigurðardóttir hefur sett húsið sitt við Fagraberg í Setberginu í Hafnarfirði á sölu. Húsið er 340 fm og er á tveimur hæðum. Eignin skiptist í efri hæð með tveimur stofum, þremur svefnherbergjum, tveimur baðherbergjum, eldhúsi og borðstofu. Á neðri hæðinni er aukaíbúð með eldhúsinnréttingu, baðherbergi, svefnherbergi og sérinngangi. Ásett verð á eignina er 248.000.000 kr.

Veröndin fyrir framan húsið er glæsileg með útsýni yfir Hafnarfjörð og er annar stór pallur bakgarðsmegin.

Stofur, baðherbergi og svefnherbergi eru máluð í dökkgráum lit sem gerir eignina hlýlega. Stíllinn heldur sér um allt húsið og eru svartir, gráir og ljósbrúnir munir notaðir á móti gráu veggjunum. Gegnheilt parket í eldhúsi, stofum og herbergjum og flísar á baðherbergjum, forstofu og þvottahúsi.

Eldhúsið var tekið í gegn árið 2016 og eldhústæki endurnýjuð. Svört granítplata er á dökkbrúnni innréttingu og eru flísar á milli efri og neðri skápa. 

Eva Björg er þekkt fyrir að vera mikil laxveiðiáhugakona en hún var áður með Finni Harðarsyni, framkvæmdastjóra Bjarnar ehf. Vísir greindi frá því í árið 2023 að hún og Gunnar Sigurðsson, fyrrum framkvæmdastjóri Kviku væru nýtt par.

Af fasteignavef mbl.is: Fagraberg 44

Secto-ljósin í svörtu hanga í stofunni.

Stofan er rúmgóð og hlýleg með stórum gluggum.

Það er opið á milli borð- og setustofu.

Granítborðplata á móti dökkbrúnni eldhúsinnréttingu.

Sjónvarpsstofan er máluð í ljósgráum lit.

Stórir gluggar hleypa mikilli birtu inn.

Baðherbergið er rúmgott og glæsilegt. Borðplatan er svart granít eins og í eldhúsinu.

Það er hægt að sóla sig þarna.

Húsið er á eftirsóttum stað í Setberginu.