Leikararnir Hugh Jackman og Sutton Foster hafa stigið út úr skugganum og opinberað ást sína eftir margra mánaða vangaveltur fjölmiðla vestanhafs.

Parið var myndað í bak og fyrir þegar það sást á röltinu í Santa Monica í Kaliforníu á mánudagskvöldið. Ástin skein af parinu sem var á leið sinni í kvöldverð.

Jackman, 56 ára, og Foster, 49 ára, eru sögð hafa hrifist hvort af öðru þegar þau fóru með aðal­hlut­verk í söng­leikn­um The Music Man á Broadway fyr­ir ör­fá­um árum og að þá hafi farið að hrikta í stoðum hjóna­band­a þeirra.

Frétt af mbl.is

Sögð hafa vitað um meint framhjáhald Jackman og Foster

Jackman skildi við eiginkonu sína til 27 ára, leikkonuna Deborru-Lee Furness, í september 2023, en fréttir af skilnaðinum komu eins og þruma úr heiðskíru lofti því hjón­in þóttu mikið fyr­ir­mynd­arp­ar.

­Foster sótti um skilnað frá eig­in­manni sín­um, hand­rits­höf­und­in­um Ted Griff­in, eft­ir tíu ára hjóna­band, í októ­ber á síðasta ári.

Frétt af mbl.is

Yfirgaf eiginmanninn fyrir Hugh Jackman