Þó að margir séu í sparnaðarátaki í upphafi árs þá má alveg gera janúarmánuð aðeins líflegri og leyfa sér eitthvað nýtt. Skynsemin fær þá að ráða. 

Nú er tíminn til að fjárfesta í fatnaði sem hægt er að nota áfram inn í vorið eins og röndóttar póló-peysur sem verða vinsælar, leðurjakka í stórri stærð sem gengur allan ársins hring eða klassískum gallabuxum. Ef skynsemin er fokin þá eru dökkbrúnu rúskinnsstígvélin gríðarlega töff. 

Fyrir heimilið gæti verið gott ráð að bæta við kaffibolla, borðlampa, ilmkerti eða fallegum margnota álbakka. 

Snyrtivörurnar sem voru mest í notkun yfir jól og áramót eru líklega komnar í hvíld en á þessum árstíma þarf oft að fríska sig við með kinnalit eða flottum maskara. Svo má ekki gleyma að reyna að halda raka í húðinni með góðu kremi.

Gervileðurjakki úr Zöru sem kostar 8.995 kr.

Polo-bolur frá The Garment, fæst í Andrá og kostar 39.900 kr.

Tobacco & Honey ilmkerti frá Tuli, fæst í Tekk og kostar 6.900 kr.

Svartur maskari frá Yves Saint Laurent sem kostar 6.999 kr.

Mjúkur hlýrabolur úr ullarblöndu sem er fullkomið innsta lag á köldum dögum. Er frá Gai + Lisva, fæst í Mathildu og kostar 11.990 kr.

Kinnalitur frá Lancome í litnum 041 Figue Espie, kostar 7.499 kr.

Ullartrefill með kögri frá Cos sem kostar 22.000 kr.

Gallabuxur sem eru háar í mittið. Þær eru frá Tomorrow Denim, fást í FOU22 og kosta 29.900 kr.

Töff rúskinnsstígvél úr Zöru sem kosta 15.995 kr.

Rakagefandi andlitskrem frá ChitoCare sem kostar 7.400 kr.

Álbakkar frá Puebco sem fást í Mikado. Þeir koma í þremur stærðum, verð frá 1.990 kr. - 3.990 kr.

Lampi frá Lopedro, kostar 35.000 kr.

Black Mega bolli frá Royal Copenhagen, fæst í Epal og kostar 12.800 kr.