Bandaríska leikkonan Zendaya vakti mikla athygli á rauða dreglinum á Golden Globe-verðlaunahátíðinni á dögunum. Zendaya klæddist dökkappelsínugulum kjól frá franska tískuhúsinu Louis Vuitton og þótti ein best klædda stjarna kvöldsins.

Það var þó eitt sem vakti meiri athygli en kjóllinn en það var trúlofunarhringur sem hún bar á vinstri hendi. Í kjölfarið varð allt vitlaust á slúðurmiðlunum vestanhafs og talið að hún sé trúlofuð leikaranum Tom Holland.

Demantar, hvítagull og gulagull. Ljósmynd/AFP

Frétt af mbl.is

Er Zendaya trúlofuð Tom Holland?

Hringurinn sjálfur er fimm karata demantshringur frá Jessicu McCormack sem er með höfuðstöðvar í Mayfair í London. Fyrir utan demantinn er einnig 18 karata hvítagull og 18 karata gulagull í hringnum. Talið er að hringurinn kosti rúmlega 28 milljónir króna á gengi dagsins í dag.  

Hringurinn er frá Jessicu McCormack.