Jakob Birgisson, aðstoðarmaður dómsmálaráðherra fullyrðir að hann sé valdameiri en Snorri Másson, þingmaður Miðflokksins. Ekki hafi þurft prófkjör eða þingframboð til.

Þetta kemur fram í viðtali við Jakob á vettvangi Spursmála á mbl.is.

Hvort sem er í stjórn eða stjórnarandstöðu

Þar er Jakob spurður út í það hvort færa megi rök fyrir því að aðstoðarmaður ráðherra, sem standi í miðri hringiðu stjórnmálanna og stjórnkerfisins, sé ekki áhrifameiri en óbreyttur þingmaður, hvort sem er í stjórn eða stjórnarandstöðu.

Frétt af mbl.is

„Hún var eiginlega ekki í neinu að neðan...“

Er samanburður dreginn við góðan vin Jakobs, Snorra fyrrnefndan Másson.

Það stendur ekki á svari hjá Jakobi, sem ekki er aðeins aðstoðarmaður ráðherra heldur einnig í hópi vinsælustu uppistandara landsins.

„Já, já. Ég er valdameiri en Snorri Másson. Er það ekki það sem þú vilt að ég segi?“

Frétt af mbl.is

Fékk hláturskast og gekk út úr þættinum

Og Jakob slær á létta strengi þegar hann er spurður út í hvaða mál hann hyggist leggja áherslu á meðan veru hans í ráðuneytinu stendur:

„Það eru útlendingamálin.“

Viðtalið við Jakob má sjá og heyra í heild sinni í spilaranum hér að neðan. Ásamt honum mætir þar til leiks Marta María Winkel Jónasdóttir.

Snorri Másson og Jakob Birgisson eru góðir vinir, þótt þeir séu mis valdamiklir. mbl.is/Samsett mynd