Uppskriftirnar úr eldhúsinu í Hússtjórnarskólanum slógu aldeilis í gegn á nýliðnu ári og sitja á toppnum víða. Til að mynda átti Húsó fjórar vinsælustu súpuuppskriftirnar á liðnu ári.

Frétt af mbl.is

Hefur þú smakkað Húsó-steikta fiskinn?

Vinsælasti fiskrétturinn á matarvefnum var steikti fiskurinn úr uppskriftasafninu hjá Húsó en hann er einn frægasti rétturinn sem hefur komið úr eldhúsinu í Hússtjórnarskólanum. Leyndardómurinn við þennan rétt er brauðmylsnublanda góða sem vert er að nota utan á fiskinn.

Steikti fiskurinn er borinn fram með heimagerðu remúlaði, salati og soðnum kartöflum. Marta María Arnarsdóttir, skólameistari í Hússtjórnarskólanum, opnaði leyniuppskriftabókina fyrir matarvefinn árið 2023 og hafa uppskriftirnar notið mikilla vinsælda.