Uppskriftir | 10. janúar 2025
Svona eldar þú andabringu án vandkvæða
Hanna Thordarson ástríðukokkur og keramiker gerði andabringu í fyrsta skipti í alvörunni ef svo má að orði komast á dögunum. Hún fékk aðstoð hjá Vigfúsi nokkrum til að læra réttu trixin því hún var viss um að hún kynni ekki að elda andabringu.
Svona eldar þú andabringu án vandkvæða
Uppskriftir | 10. janúar 2025
Setja bókamerki
Hanna Thordarson ástríðukokkur og keramiker gerði andabringu í fyrsta skipti í alvörunni ef svo má að orði komast á dögunum. Hún fékk aðstoð hjá Vigfúsi nokkrum til að læra réttu trixin því hún var viss um að hún kynni ekki að elda andabringu.
Hanna Thordarson ástríðukokkur og keramiker gerði andabringu í fyrsta skipti í alvörunni ef svo má að orði komast á dögunum. Hún fékk aðstoð hjá Vigfúsi nokkrum til að læra réttu trixin því hún var viss um að hún kynni ekki að elda andabringu.
„Þar sem ég hef ekki kunnað að elda andabringu fékk ég Vigfús til að aðstoða mig.Það kom mér á óvart hvað það er raunverulega einfalt.Maður þarf bara að vera skipulagður og taka bringurnar tímanlega úr frystinum til að láta þær þiðna í rólegheitum. Strá svo salti yfir og láta þær liggja í salti yfir nótt. Skemmtileg og þægileg matreiðsla. Með öndinni var boðið upp á appelsínusósu sem er líka a la Vigfús,“ segir Hanna sem elskar fátt meira en sælkeramat sem býður upp á heimsókn í alvöru bragðheima.
Með því að fara eftir þessum leiðbeiningum hér fyrir neðan er hægt að elda hina fullkomnu önd með rétta hráefninu.
Hanna heldur úti sinni eigin heimasíðu sem ber heitið Hanna þar sem hún deilir með lesendum sínum uppáhaldsuppskriftum.
Andabringa á la Vigfús
- 1 andabringa, ef hún er frosin er best að taka hana úr frysti daginn áður.Frönsku andabringurnar hafa verið góðar.
- ½ – 1 msk. saltflögur
- Nýmalaður pipar
Aðferð:
- Takið andarbringuna úr kæli þannig að hún nái stofuhita.
- Skerið tígla skornir í fituna.
- Stráið saltflögum á fituna og nuddið þeim vel inn í.
- Snúið kjötinu við og stráið ögn af saltflögum yfir kjötið.
- Leggið bringuna í fat og setjið plastfilmu yfir.
- Látið standa í kæli yfir nótt eða í a.m.k. 6 klukkustundir
- Hitið ofninn í 150°C (yfir- og undirhita).
- Setjið andarbringuna á kalda pönnu og látið fituröndina snúa niður.
- Hækkið hitann upp í rúmlega meðalhita.
- Látið góðan lit koma á fituhliðina.
- Snúið því næst kjötinu eldsnöggt við og rétt lokið því.
- Setjið kjötið aftur á fituröndina.
- Stingið hitamæli inn í mitt kjötið.
- Myljið pipar yfir í lokin og setjið pönnuna inn í ofn.
- Þegar kjötið er komið í 49°- 50°C takið það þá út.
- Það má gera ráð fyrir að kjarnhiti kjötsins hækki um 3° – 4° eftir að bringan kemur úr ofninum.
- Kjarnhiti kjötsins ætti að enda í 53° – 54°C.
- Skerið kjötið í sneiðar og leggið fallega á fat eða bretti.
- Berið fram með ljúffengu meðlæti, til dæmis með appelsínusósu og rótargrænmeti.
/frimg/1/54/5/1540526.jpg)
