Ríkisstjóri Kaliforníuríkis kallar eftir óháðri rannsókn á því hvað olli því að vatnsþrýstingur var lítill í brunahönum í Los Angeles-borg í miðjum mannskæðum gróðureldum í vikunni.

„Fréttir af því að vatnsþrýstingur hafi minnkað í sumum brunahönum á svæðinu í eldunum og að vatnsból úr Santa Ynez-lóninu hafi ekki verið tiltækt eru mér og samfélaginu mjög til vansa,“ skrifaði Gavin Newsom ríkisstjóri í bréfi sem hann birti á samfélagsmiðlinum X í gær.

Frétt af mbl.is

„Maður er að anda að sér eignum fólks“

Bréfið var stílað á Mark Pestrella, framkvæmdastjóra opinberra framkvæmda í Los Angeles og Janisse Quiñones, forstjóra deildar vatns- og orkumála í Los Angeles.

„Ég hef beint því til vatnsveitu og slökkviliðs ríkisins að gera óháða skýrslu í kjölfar atviksins,“ skrifar Newsom.