Friðrik Danakonungur segir það hafa verið forréttindi að fá að taka við krúnunni af móður sinni á meðan hún er á lífi. Ár er síðan konungurinn tók við krúnunni. 

Hann rifjaði upp daginn í færslu á samfélagsmiðlum í dag.

„Að taka við af móður minni án þess að þurfa kveðja hana á sama tíma voru og eru hin mestu forréttindi,“ skrifar konungurinn. 

Móðir hans, Margrét Þórhildur Danadrottning, kom mörgum á óvart þegar hún tilkynnti í áramótaávarpi sínu árið 2024 að hún ætlaði að afsala sér krúnunni. Sonur hennar, Friðrik, tók við fyrir ári síðan.

„14. janúar 2024 var dagur mikilla tilfinninga og ógleymanlegur frá upphafi til enda,“ skrifaði konungurinn.