Katrín prinsessa af Wales er nú á batavegi og einbeitir sér að því að ná fullri heilsu. Prinsessan greindist með krabbamein á síðasta ári og hefur verið í meðferð við því síðan. 

Í tilkynningu á samfélagsmiðlum greinir hún frá þessum gleðitíðindum. 

Katrín heimsótti Royal Marsden-sjúkrahúsið í dag til að þakka þeim fyrir síðasta árið. Hún er nú orðin verndari sjúkrahússins. 

Frétt af mbl.is

Katrín sýndi þakklæti í verki

„Það er mér mikill léttir að vera á batavegi og ég einbeiti mér að því að ná heilsu aftur á ný. Allir sem hafa greinst með krabbamein vita að það er erfitt að aðlagast nýjum veruleika. Ég hins vegar horfi bjartsýn og full tilhlökkunar til framtíðar,“ skrifar prinsessan.