Katrín prinsessa af Wales kom sjúklingum á krabbameinsdeild Royal Marsden-sjúkrahússins í Lundúnum heldur betur á óvart þegar hún kíkti í heimsókn þangað fyrr í dag.

Prinsessan, sem sjálf gekkst undir krabbameinsmeðferð á sjúkrahúsinu á síðasta ári, vildi sýna svolítið þakklæti í verki með þessum hætti og settist niður með starfsfólki og sjúklingum og ræddi við og hlýddi á sögur fólksins.

Frétt af mbl.is

Katrín í krabbameinsmeðferð

Katrín fór í aðgerð á kviðarholi í janúar í fyrra en þá var ekki ljóst að prinsessan væri með krabbamein.

„Eftir aðgerðina kom þó í ljós að krabbamein hafði verið til staðar,“ sagði Katrín þegar hún greindi frá krabbameininu. Þá hafi henni verið ráðlagt að hefja strax meðferð.

Katrín lauk lyfjameðferð í september síðastliðnum og er sögð á góðum batavegi.

Frétt af mbl.is

Katrín hefur lokið við lyfjameðferð vegna krabbameins

Katrín settist niður með starfsfólki og sjúklingum. Ljósmynd/AFP

Katrín gaf sér góðan tíma til að ræða við sjúklinga og aðstandendur. Ljósmynd/AFP

Heimsókn prinsessunnar vakti mikla lukku. Ljósmynd/AFP