Hárstílistinn Dimitris Giannetos, stílisti stjarnanna í Hollywood, sá um hárgreiðslu Demi Moore fyrir Golden Globe-verðlaunin sem voru haldin fyrr í mánuðinum. Moore hlaut verðlaun fyrir leik sinn í kvikmyndinni Substance og hefur fengið mikla athygli síðan.

Giannetos hefur sagt frá því hvernig hann náði fram hárgreiðslunni á umræddu kvöldi. Moore klæddist gylltum kjól úr hátískulínu Armani. „Mig langaði að hafa hárið í gömlum Hollywood-stíl en á sama tíma láta greiðsluna virðast náttúrulega og áreynslulaust,“ sagði Giannetos.

Hárrútína Moore á verðlaunahátíðinni

1. Þurrkaðu hárið með handklæði og notaðu sprey í rótina til að hárið fái meira umfang. Giannetos mælir með Moroccanoil Root Boost.
2. Þurrkaðu hárið með hárblásara og hringlaga hárbursta. 
3. Krullaðu hárið í mismunandi áttir með krullujárni.
4. Greiddu í gegnum hárið með hárbursta og spreyjaðu hárið með gljáandi og sterku hárspreyi.