Heitasta parið í Hollywood, Hugh Jackman og Sutton Foster, er að springa úr ást ef marka má ljósmyndir sem náðust af því fyrir utan hamborgarastaðinn In-N-Out í San Fernando í Kaliforníu fyrir helgi.

Parið, sem opinberaði ást sína eftir margra mánaða vangaveltur fjölmiðla í byrjun síðustu viku, deildi sjóðheitum kossi á bílastæði fyrir utan veitingastaðinn og hélt kossaflensinu áfram þegar það settist inn í bílinn.

Jackman var herramennskan uppmáluð og opnaði bílhurðina fyrir Foster sem brosti blítt til síns heittelskaða.

Frétt af mbl.is

Hætt að fela ást sína

Formlegt samband leikaranna er afar nýtt af nálinni, en það hefur engu að síður náð að vekja talsverða eftirtekt.

Jackman og Foster eru sögð hafa hrif­ist hvort af öðru þegar þau fóru með aðal­hlut­verk í söng­leikn­um The Music Man á Broadway fyr­ir ör­fá­um árum og að þá hafi farið að hrikta í stoðum hjóna­band­a þeirra beggja. 

Jackm­an skildi við eig­in­konu sína til 27 ára, leik­kon­una De­borru-Lee Fur­ness, í sept­em­ber 2023, en frétt­ir af skilnaðinum komu eins og þruma úr heiðskíru lofti því hjón­in þóttu mikið fyr­ir­mynd­arp­ar. 

­Foster sótti um skilnað frá eig­in­manni sín­um, hand­rits­höf­und­in­um Ted Griff­in, eft­ir tíu ára hjóna­band, í októ­ber á síðasta ári.

Frétt af mbl.is

Yfirgaf eiginmanninn fyrir Hugh Jackman

Frétt af mbl.is

Sögð hafa vitað um meint framhjáhald Jackman og Foster