Arna Vilhjálmsdóttir, samfélagsmiðlastjarna og einn af sigurvegurum Biggest Loser Ísland, fór ástfangin inn í nýja árið, með kærastann sér við hlið.

Arna fann ástina í örmum hins hollenska Jacko Groen á síðasta ári og hefur átt í fjarsambandi við hann um nokkurt skeið.

Parið hefur nú tekið stórt skref fram á við í sambandi sínu og er byrjað að búa. Jacko er fluttur til landsins, nánar tiltekið til Patreksfjarðar, til að vera nær sinni heittelskuðu.

Frétt af mbl.is

Segir fólk koma öðruvísi fram við sig eftir þyngdartap

Arna greindi frá gleðitíðindunum á Instagram-síðu sinni nú á dögunum og birti fallega mynd af parinu.

„Eftir að hafa velt fyrir okkur hvernig tvær litlar dúllur frá tveimur löndum myndu sameina lífið sitt varð niðurstaðan sú að við myndum byrja á Íslandi, í litla bænum þar sem ég bý. Þess vegna fer ég inn í árið með einum nýfluttum Hollendingi og gæti ekki verið glaðari,” skrifaði hún við færsluna.

Smartland óskar parinu hjartanlega til hamingju!