Rólegt hefur verið á skjálftasvæðinu í Bárðarbungu frá því síðdegis í gær en mjög kröftug skjálftahrina hófst þar í gærmorgun.

Frétt af mbl.is

„Þetta er okkar öflugasta eldstöð“

Á annað hundrað skjálfta mældust í Bárðarbungu í gær, sá stærsti var 5,1 að stærð sem reið yfir rétt eftir klukkan 8 í gærmorgun. Að auki urðu sautján skjálftar yfir þremur að stærð, þar af tveir um eða yfir 4.

Enginn skjálfti hefur mælst í Bárðarbungu frá því klukkan 17.18 í gær en sá var 2,4 að stærð.

Frétt af mbl.is

Myrkur gæti varað klukkustundum saman ef gýs

„Þótt það sé rólegt núna þá getur skjálftavirknin tekið sig upp aftur. Við verðum bara að bíða og sjá hvað gerist og fylgjast vel með,“ segir Steinunn Helgadóttir, náttúruvársérfræðingur á Veðurstofu Íslands, í samtali við mbl.is.