Við Löngumýri í Garðabæ er að finna afar huggulegt einbýlishús sem reist var 1989. Húsið er 339,2 fm og er skemmtilega hannað með tvær samliggjandi stórar og bjartar stofur á fyrstu hæð, sem bjóða upp á ýmsa möguleika. Þaðan er útgengt á skjólgóða og stóra verönd til suðurs, með heitum potti.

Fallegt fiskbeinsmunstrað parket er á gólfum á fyrstu hæð og í eldhúsinu eru miklar og vandaðar innréttingar úr við og fallega bláum lit. Stálstigi með viðarþrepum liggur upp á efri hæðina. Stórir gluggar eru yfir og við stigann.

Á rishæð er sjónvarpshol, baðherbergi, sem er flísalagt í hólf og gólf og með vönduðum innréttingum, tvö barnaherbergi og hjónaherbergi. Inngengt er á baðherbergið úr hjónaherberginu, sem er afar rúmgott. 

Stærð kjallarahæðar er 101,8 fm. Þar er flísalögð forstofa, eldhús, tvö svefnherbergi og tvær samliggjandi stofur. Bílskúrinn var byggður 2002. Hann er flísalagður, með góðum gluggum og rafmagnshurðaopnara. 

Lóðin telur 704 fm með tyrfðum flötum og fallegum gróðri. Staðsetning húsnæðisins er á grónum og skjólsælum stað í hjarta Garðabæjar og stutt er í alla helstu þjónustu, skóla og verslanir. 

Af fasteignavef mbl.is: Langamýri 13

Fyrsta hæðin er opin og björt. Ljósmynd/Borg fasteignasala

Útgengt er suðurverönd úr stofunni. Ljósmynd/Borg fasteignasala

Skemmtileg uppröðun og fjölbreytni í húsgagnavali setur skemmtilegan svip á stofuna. Ljósmynd/Borg fasteignasala

Séð innan úr eldhúsinu sem er brotið upp með dökkbláum vegg. Ljósmynd/Borg fasteignasala

Skemmtilegt op á vegg úr stofunni þar sem sést í stigann. Ljósmynd/Borg fasteignasala

Innréttingar í eldhúsinu eru vandaðar og fallegar. Liturinn á skápum og skúffum er klárlega málið. Ljósmynd/Borg fasteignasala

Stálstigi er upp í risið sem er undir súð en engu að síður hátt til lofts. Ljósmynd/Borg fasteignasala

Veröndin snýr til suðurs og þaðan er gengið út í gróðursælan garð. Ljósmynd/Borg fasteignasala