Íslendingar láta ljós sitt skína á TikTok þar sem hugmyndaauðgi, húmor og óvæntar uppákomur halda áhorfendum við skjáinn. Hér er yfirlit yfir það sem vakti áhuga hjá fólki í vikunni.

Íslenska landsliðið í handbolta þakkar stuðninginn

Handboltalandslið Íslands hefur þakkað stuðningsmönnum sínum fyrir ómetanlegan stuðning eftir glæsilegan sigur á móti Egyptalandi í milliriðli á HM.

Innbrotsþjófur með smekk

Brotist var inn á skrifstofu Bergþórs Mássonar, bróður Snorra Mássonar. Þjófurinn virtist hafa ákveðinn smekk fyrir því sem hann tók. Að sögn Bergþórs var aðeins stolið tveimur hlutum, þar af er annar enn ófundinn. 

Skemmtileg óléttuþrá

Teboðsvinkonurnar Birta Líf Ólafsdóttir og Sunneva Eir Einarsdóttir skelltu sér í Hlöllabát, en að sögn Birtu Lífar er Hlöllabátur ein af hennar helstu óléttuþráum.

Gerist kærastan þín sek um þetta?

Logi Páll Aðalsteinnsson, sem er einn af lykilmönnum á bakvið hljómsveitinna Hubba Bubba hljómsveitarinnar, gerir kaldhæðnislegt grín að því hvernig konur í samböndum geta hagað sér þegar þær eru pirraðar.

Þetta kannast mömmur við

Útvarpsmaðurinn Sebastían Óli deildi skemmtilegu myndbandi á TikTok þar sem hann léttir lundina með því að gera grín að því hvernig mömmur geta brugðist við þegar þær þurfa að bíða eftir því að afkvæmin komi sér að verki.

Þekkir þú jakkann?

Selma Friðriksdóttir klæðist lululemon-jakka með hlébarðamynstri sem hefur farið eins og eldur um sinu á TikTok. Í myndbandi sínu segist hún búa í landi þar sem fólk kunni ekki að meta hversu sérstakur jakkinn er.

Borðar sushi í Reynisfjöru

Bandaríski áhrifavaldurinn Soda Akhtar vakti athygli þegar hann deildi reynslu sinni af því að smakka íslenskt sushi á hinu einstaka náttúruundri, Reynisfjöru.