Martin Eyjólfsson ráðuneytisstjóri í utanríkisráðuneytinu og Eva Þengilsdóttir framkvæmdastjóri ÖBÍ hafa fest kaup á glæsilegri íbúð við Klapparstíg. Um er að ræða 237,8 fm íbúð sem er í húsi sem reist var 1989. Íbúðin er á tveimur hæðum og státar af einstöku útsýni.

Þau keyptu íbúðina af Ruth Snædahl Gylfadóttur og greiddu 220.000.000 kr. fyrir hana. 

Þótt blokkin sjálf hafi verið byggð 1989 var búið að hressa vel upp á íbúðina áður en hún fór á sölu. Allar innréttingar í íbúðinni eru sérsmíðaðar og var sérstaklega vandað til verka. Í íbúðinni er til að mynda carreira marmari á milli skápa sem kallar fram ríkmannlegt yfirbragð. 

Íbúðin er á tveimur hæðum og skartar einstöku útsýni yfir sundin blá. 

Smartland óskar Martin og Evu til hamingju með íbúðina! 

Stofan skartaði sínu fegursta þegar íbúðin var auglýst til sölu í desember. Ljósmynd/Fasteingavefur mbl.is

Dökkgrá innrétting prýðir eldhúsið og er marmari á milli skápa. Ljósmynd/Fasteignavefur mbl.is

Það er gott flæði í íbúðinni eins og sést hér. Ljósmynd/Fasteignavefur mbl.is