Við Holtsbúð í Garðabæ er að finna heillandi raðhús á tveimur hæðum. Húsið var reist 1977 og er 164 fm að stærð. Búið er að endurnýja húsið mikið eins og sést á ljósmyndunum. 

Á neðri hæðinni er bílskúr og herbergi en á efri hæðinni flæða eldhús og stofa saman í eitt ásamt sjónvarpsherbergi. 

Í eldhúsinu er að finna nýlega innréttingu sem er aðallega með neðri skápum. Djásn eldhússins er ofurfín Smeg-gaseldavél með bakaraofni. Eldhúsið er stílhreint en á sama tíma hlýlegt. Búið er að skipta um gólfefni á hæðinni og er heimilið kryddað með fallegum listaverkum og húsgögnum. 

Sjá nánar á fasteignavef mbl.is: Holtsbúð 21

Í eldhúsinu er nýleg innrétting og stór gaseldavél sem setur svip sinn á rýmið.

Gamalt borðstofuborð fer vel við sjöur Arne Jacobsen.

Stórir gluggar prýða stofuna sem vísar í suður en fyrir neðan er skjólgóður garður.

Tveir svanir kúra á besta stað í stofu.