Danir hafa fullan stuðning Evrópu í Grænlandsdeilunni að sögn forsætisráðherra Danmerkur, sem hefur verið á ferð um Evrópu í dag.

Frakkar buðust til að senda franskt herlið til Grænlands vegna hótana Donalds Trumps Bandaríkjaforseta en Danir afþökkuðu.

Mette Frederiksen, forsætisráðherra Danmerkur, segir það öllum ljóst að samvinna milli Evrópu og Bandaríkjanna verði „önnur“ nú þegar að Trump er tekinn við sem forseti.

Evrópusambandið bauð Marco Rubio, utanríkisráðherra Bandaríkjanna, í gær á fund í Bussel til að ræða málin. Fundurinn var haldinn í dag.

Rubio mætti ekki þrátt fyrir boð um að sækja fundinn í gegnum fjarskiptabúnað, að sögn Politico.

Frétt af mbl.is

Danir í kröppum dansi: Trump ekkert að grínast

Frederiksen á ferð og flugi

Frederiksen er í dag á ferð og flugi um Evrópu þar sem hún reynir að tryggja stuðning Evrópulanda og Atlantshafsbandalagsríkja í deilu Dana og Trumps. Samhliða þessu reynir hún að styrkja varnir bandalagsins á norðurslóðum.

Deilan snýr að Grænlandi.

Á sunnudag var greint frá því að Frederiksen hefði í skyndi boðað ráðherra Norðurlanda í kvöldverð í kjölfar þess að Trump hafði ítrekað að hann hygðist leggja undir sig Grænland, sem lýtur enn dönsku krúnunni en hefur þó sjálfstjórn.

Trump hefur ekki útilokað beitingu hervalds til að ná Grænlandi á sitt band en hann segir yfirráð á eyjunni nauðsynleg upp á þjóðaröryggi Bandaríkjanna. 

Frétt af mbl.is

NATO og ESB þegja þunnu hljóði

Olaf Scholz Þýskalandskanslari tók á móti Mette Frederiksen, forsætisráðherra Dana, í Berlín. AFP

Stakk upp á að senda herlið til Grænlands

Í dag hélt Frederiksen til Parísar, Berlínar og Brussel. Danska fréttaveitan Ritzau hefur eftir ráðherranum að Danmörk fái „fullan stuðning“ frá Evrópulöndum við að viðhalda sinni landhelgi. 

„Þetta voru ótrúlega góðir fundir í bæði Berlín og París. Það er mikilvægt að við stöndum saman í Evrópu,“ sagði Frederiksen eftir að hafa fundað með Olaf Scholz Þýskalandskanslara og Emmanuel Macron Frakklandsforseta.

„Ef Danmörk kallar á hjálp, verður Frakkland mætt,“ sagði Macron við fjölmiðla að fundinum loknum.

Jean-Noël Barrot, utanríkisráðherra Frakklands, sagði við Sud Radio að Frakkar hefðu rætt að senda hermenn til Grænlands en tók fram að Danir hefðu afþakkað. 

Frétt af mbl.is

Lýsa stuðningi við Grænland

Eru flekaskilin að breikka?

Mark Rutte, framkvæmdastjóri Atlantshafsbandalagsins, faðmaði danska forsætisráðherrann þegar hún lenti í Brussel.

„Allir í Evrópu geta séð að það verður önnur samvinna með Bandaríkjunum núna. Það er að minnsta kosti sá tónn sem við heyrum frá Washington hvað varðar viðskipti og efnahagslega samvinnu. Hverjar afleiðingarnar af því eru vitum við ekki enn,“ sagði Frederiksen við fjölmiðla áður en hún gekk á fund Rutte.

Að fundi þeirra loknum sagði Frederiksen að viðvera Atlantshafsbandalagsins yrði aukin á norðurslóðum.

„Við væntum enn meiri viðveru bæði frá rússnesku og kínversku hliðinni, og ekki jákvæðrar,“ sagði hún einnig.

Forsætisráðherra Danmerkur og framkvæmdastjóri Atlantshafsbandalagsins kveðjast í Brussel. AFP

Ný dönsk varðskip

Í gær kynnti varnarmálaráðherra Danmerkur einnig nýtt frumvarp sem kveður m.a. á um þrjú ný dönsk varðskip sem eigi að standa vörð um norðurslóðir. Gert er ráð fyrir að frumvarpið allt kosti um 300 milljarða íslenskra króna, og von er á enn fleiri frumvörpum er varða varnarmál.

En stríðssjóður Danmerkur er nánast tómur, að sögn varnarmálaráðherrans Troels Lund Poulsen. „Þannig að við komum til með að sjá hvernig á að afla frekari tekna,“ sagði hann.

Frétt af mbl.is

„Gildir um Bandaríkin eins og aðra“