Hátískulína franska tískuhússins Chanel var sýnd í París í morgun og sem fyrr var viðburðurinn stjörnum prýddur. Stórstjörnurnar Laufey Lín Jónsdóttir og Pamela Anderson voru staðsettar á fremsta bekk. Við hlið Laufeyjar var tvíburasystir hennar, Júnía.

Íslenska tónlistarundrið var klædd í hvítan jakka frá tískuhúsinu og hnésíðar stuttbuxur með klauf í stíl. Hún var í hvítum skóm með þykkum botni og svartri tá í anda Chanel og með litla gyllta Chanel-tösku. Á myndum fyrir utan sýninguna virðist hún vera að vinka til aðdáenda. Viðburðurinn er einn sá stærsti á hátískuvikunni í París.

Laufey mætir á hátískusýningu Chanel. Ljósmynd/AFP

Tvíburasysturnar Júnía og Laufey. Ljósmynd/AFP

Laufey vinkar til aðdáenda. Sebastien DUPUY/AFP

Stórstjörnur mættu

Þá var mikið um leikara, söngvara og fyrirsætur á sýningunni. Kylie Jenner, Dua Lipa, Lily-Rose Depp og Marion Cotillard mættu og veifuðu aðdáendum. Hátískulínurnar frá Chanel eru sýndar tvisvar á ári, í janúar og í júlí, og er eitt helsta stolt tískuhússins. 

Vanessa Paradis. Julie SEBADELHA / AFP

Franska fyrirsætan og leikkonan Ines de la Fressange. Julie SEBADELHA / AFP

Pamela Anderson. Julie SEBADELHA/AFP

Lily-Rose Depp. Julie SEBADELHA / AFP

Dua Lipa. Julie SEBADELHA/AFP

Marion Cotillard. Julie SEBADELHA/AFP