Nýjasta myndin um Bridget Jones, Bridget Jones: Mad About The Boy, var frumsýnd í gærkvöldi. Sýningin fór fram í Le Grand Rex-kvikmyndahúsinu í Parísarborg og var öllu tjaldað til, enda krökkt af stórstjörnum.

Mad About The Boy er fjórða myndin um hina seinheppnu Jones. Ber myndin sama titil og samnefnd skáldsaga eftir Helen Fielding um Bridget Jones. Í sögunni er hún orðin ekkja eftir lát Mark Darcy sem Colin Firth lék.

Renée Zellweger. Sebastien Dupuy/AFP

Frétt af mbl.is

Bridget Jones orðin tveggja barna móðir

Reneé Zellweger, sem fer með hlutverk Jones, stillti sér upp á bleika dreglinum ásamt mótleikurum sínum, þeim Hugh Grant, Chiwetel Ejiofor og Leo Woodall, sem allir keppast um ástir Jones í myndinni.

Myndin verður heimsfrumsýnd þann 13. febrúar næstkomandi.

Ungfrú Frakkland, Angelique Angarni-Filopon, lét sig ekki vanta. Sebastien Dupuy/AFP

Enski leikarinn Leo Woodall tók sig vel út á bleika dreglinum. Sebastien Dupuy/AFP

Rithöfundurinn Helen Fielding var glæsileg á frumsýningu Bridget Jones: Mad About The Boy. Sebastien Dupuy/AFP

Hugh Grant heillaði viðstadda upp úr skónum. Sebastien Dupuy/AFP

Hugh Grant, Chiwetel Ejiofor, Helen Fielding, Renée Zellweger, Michael Morris og Leo Woodall. Sebastien Dupuy/AFP