Fyrrverandi eiginmaður söngkonunnar Britney spears, leikarinn Sam Asghari, hefur opnað sig um örlagaríkt hjónaband þeirra. Asghari segir í hlaðvarpsþætti Kate og Oliver Hudson, Sibling Rivalry, að skert sjálfræði Spears hafi verið eitt það skrýtnasta sem hann þurfti að þola í hjónabandinu.

„Einn daginn þurfti ég að læra hvað svipting sjálfræðis þýddi og þá hugsaði ég: Bíddu erum við ekki í Ameríku. Hvað meinarðu með að einhver eldri en átján ára þurfi leyfi frá foreldrum sínum?“ sagði Asghari í hlaðvarpsþættinum.

„Þetta var það erfiðasta og skrýtnasta sem ég hef orðið vitni að í lífinu.“

Britney Spears og Sam Ashgari giftu sig í júní 2022. Skjáskot af instagram.

Frétt af mbl.is

18 kílóum léttari eftir skilnaðinn við Spears

Asghari sagði það besta sem hann gerði fyrir Spears væri að styðja hana. 

Asghari studdi Spears heilshugar á meðan „Frelsum Britney“-hreyfingin var á fullu skriði. Á þeim tíma var barist fyrir frelsi söngkonunnar og að hún losnaði undan fjötrum föður síns, Jamie Spears, sem hún hafði verið í frá árinu 2008. Hún endurheimti sjálfræðið 2021.

Þrátt fyrir að samband Asghari og Spears hafi farið forgörðum segist Asghari ekki sjá eftir neinu.

Frétt af mbl.is

Spears giftist sjálfri sér

Page Six