Fyrrverandi eiginkona Kevin Costner, Christine Baumgartner, er trúlofuð viðskiptamanninum Josh Connor eftir tæplega tveggja ára samband. Connor er gamall félagi og vinur leikarans.

Baumgartner, sem er töskuhönnuður, sótti um skilnað frá Costner í maí 2023 eftir 18 ára hjónaband.

Skilnaðurinn var ansi stormasamur og lauk því ekki fyrr en tæpu ári síðar, eða í febrúar 2024.

Frétt af mbl.is

Skilja eftir 18 ára hjónaband

Connor fór á skeljarnar um síðustu helgi og bað sinnar heittelskuðu á strönd í Santa Barbara í Kaliforníuríki.

Vinur parsins sagði bónorðið hafa komið Baumgartner gjörsamlega á óvart í samtali við tímaritið People.

„Hún var ekki að búast við þessu. Það byrjaði að rigna, þau voru ein á ströndinni þegar Connor fór á skeljarnar.”

Frétt af mbl.is

Neitar að flytja út eftir skilnaðinn

Frétt af mbl.is

Yfirgefur villuna með einu skilyrði

Costner, sem á þrjú börn með Baumgartner, var nýlega bendlaður við sveitasöngkonuna Jewel.