Enn versna veðurhorfur á landinu og hefur Veðurstofa Íslands gefið út appelsínugular viðvaranir fyrir morgundaginn.

Verða appelsínugulu viðvaranirnar í gildi á Breiðafirði, Suðausturlandi og á miðhálendinu en gular viðvaranir verða í gildi annars staðar á landinu.

Frétt af mbl.is

Gul viðvörun víða um land vegna hríðarveðurs

Foktjón og ekkert ferðaveður

Búist er við suðaustanstormi eða -roki á Breiðafirði, allt að 18-25 m/s á milli klukkan 13 og 22. Er talið að vindhviður geti orðið allt að 40-45 m/s á Snæfellsnesi. Þá er staðbundið foktjón líklegt og veður hættulegt ökutækjum, sem taka á sig vind.

Þá er suðaustan stórhríð spáð á miðhálendinu frá klukkan 13 og fram á miðnætti og verður „ekkert ferðaveður“ enda snjókoma með köflum eða skafrenningur og lítið skyggni.

Talsverðri eða mikilli rigningu er spáð á Suðausturlandi frá og með klukkan 17 auk mikilla leysinga. Er fólk hvatt til að hreinsa frá niðurföllum og fráveituskurðum til að forðast vatnstjón.

Frétt af mbl.is

Gæslan varar við aukinni sjávarhæð og slæmu veðri