Flugslys í Washington | 31. janúar 2025
Búið að finna svörtu kassana
Rannsókn er hafin á flugslysinu í Washington sem varð á miðvikudagskvöld þegar farþegaþota og herflugvél rákust saman og hröpuðu í Potomac-ánna. 67 sem voru samtals í vélunum báðum eru allir taldir af.
Búið að finna svörtu kassana
Flugslys í Washington | 31. janúar 2025
Setja bókamerki
Rannsókn er hafin á flugslysinu í Washington sem varð á miðvikudagskvöld þegar farþegaþota og herflugvél rákust saman og hröpuðu í Potomac-ánna. 67 sem voru samtals í vélunum báðum eru allir taldir af.
Rannsókn er hafin á flugslysinu í Washington sem varð á miðvikudagskvöld þegar farþegaþota og herflugvél rákust saman og hröpuðu í Potomac-ánna. 67 sem voru samtals í vélunum báðum eru allir taldir af.
Rannsakendur fundu í gær svörtu kassana tvo úr farþegaflugvélinni en um er að ræða bæði raddupptökutækið og fluggagnaritann. Flugmálayfirvöld í Bandaríkjunum segja of snemmt að segja til um orsök flugslyssins en vonast er til að hægt verði að birta bráðabirgðaniðurstöður úr rannsókninni innan 30 daga.
Hljóðupptökur úr flugturninum hafa verið spilaðar opinberlega þar sem flugumferðarstjórar heyrast ítrekað spyrja þyrluflugmennina hvort þeir sjái ekki þotuna. Rétt áður en áreksturinn varð biðja flugumferðarstjórarnir þyrluna um að fljúga yfir aftan við farþegavélina.
Í gærkvöld höfðu fundist um 40 lík í Potomac-ánni og stendur leit enn yfir en 60 farþegar voru í þotunni ásamt fjögurra manna áhöfn og þrír bandarískir hermenn voru í þyrlunni.
Á blaðamannafundi í gær sagði Donald Trump Bandaríkjaforseti að Joe Biden, fyrrverandi forseti, hafi grafið undan flugöryggi í landinu og hafi beitt sér fyrir að ráða fólk með fjölbreyttan bakgrunn. Með því hafi vanhæfir flugumferðarstjórar verið ráðnir til starfa.
/frimg/1/53/87/1538776.jpg)
