Klæðnaður bandarísku rappstjörnunnar Megan Thee Stallion vakti sannarlega athygli á tískuvikunni í París nú á dögunum.

Stallion mætti buxnalaus á tískusýningu franska fatahönnuðarins Jean Paul Gaultier á miðvikudagskvöldið og sýndi ljósmyndurum leggina íklædd svartri kápu, háum nælonsokkum og kremuðum, blómaskreyttum nærbuxum.

Stallion, sem heitir réttu nafni Megan Pete, stal senunni á þó nokkrum viðburðum tískuvikunnar, enda ófeimin við að sýna línurnar í efnislitlum flíkum.

Frétt af mbl.is

Megan Thee Stallion í gegnsæjum samfestingi

Rapparinn, best þekktur fyrir lög á borð við Body og Hot Girl Summer, sat á fremsta bekk á sýningu Gaurav Gupta, klæddur keðjukjól og með höfuðfat í stíl, og mætti á tískusýningu Giambattista Valli í stórglæsilegum appelsíngulum kjól með hettu.

Frétt af mbl.is

Laufey og Pamela Anderson á sýningu Chanel

Það var ítalska tískuhúsið Miu Miu sem kom buxnalausu-tískubylgjunni af stað árið 2023 þegar fyrirsætur gengu niður tískupallana í prjónuðum peysum og nærbuxum í stíl. Síðan þá hefur þetta verið áberandi á meðal Hollywood-stjarna á við Hailey Bieber, Kendall Jenner, Sydney Sweeney og Kristen Stewart. 

Frétt af mbl.is

Ofurkonan eldist ekki

Fjöldi þekktra einstaklinga ferðaðist til Parísar til að virða fyrir sér allt það nýjasta úr heimi tískunnar, en Haute Couture-tískuvikunni lauk á fimmtudag.

Meðal gesta voru Laufey Lín Bing Jónsdóttir, Pamela Anderson, Lisa Rinna, Elton John og Alessandra Ambrosio.