Franska kvikmyndastjarnan Noémie Merlant dvaldi í Reykjavík í tilefni frönsku kvikmyndahátíðarinnar, sem fram fór í Bíó Paradís.

Merlant kom til landsins til að vera viðstödd frumsýningu myndar sinnar The Balconettes (Les femmes au balcon), sem hún bæði leikstýrir og fer með eitt aðalhlutverkanna í. Sýningin var vel sótt og húsfyllir á viðburðinum. 

Eftir sýninguna lá leiðin á Tölt á Reykjavík Edition þar sem skálað var fyrir myndinni. Aðstandendur hátíðarinnar, Bíó Paradís, franska sendiráðið á Íslandi og Alliance Française í Reykjavík voru á svæðinu og var gestum boðið upp á ljúffenga gin-kokteila frá íslenska brugghúsinu Og Natura.

Ívar Pétur úr FM Belfast sá um að þeyta skífum.

The Balconettes er önnur kvikmynd Merlant í leikstjórastólnum og fékk hún lofsamlega dóma en gagnrýnandi Morgunblaðsins gaf henni fjórar stjörnur af fimm mögulegum. Þó að frönsku kvikmyndahátíðinni sé nú lokið, verður The Balconettes áfram á dagskrá í Bíó Paradís, ásamt frönsku kvikmyndunum A Little Something Extra og Greifinn af Monte Cristo.

Noémie Merlant, þekkt fyrir hlutverk sín í Portrait of a Lady on Fire, Heaven Will Wait, Emmanuelle og TÁR, var heilluð af Íslandi. Hún ferðaðist með unnusta sínum, leikaranum Emanuele Carfora m.a. um Suðurland, þar sem þau skoðuðu Gullfoss og Geysi í tilburðar miklum vetrarham.

Rósa Ásmundsdóttir leikkona, Annalísa Hermannsdóttir, leikstjóri og tónlistarkona, Anna Róshildur Benediktsdóttir, leikstjóri og tónlistarkona, og Þorgeir Kristinn Blöndal, grafískur hönnuður. Ljósmynd/Elísabet Blöndal

Kristín Jóhannsdóttir, Vera Sölvadóttir, Noémie Merlant, Guillaume Bazard og Emanuele Carfore. Ljósmynd/Elísabet Blöndal

Arndís Hrönn Egilsdóttir, Sigríður Ásta Eyþórsdóttir, Karl Blöndal, Stefanía Þorgeirsdóttir og Grace Achieng. Ljósmynd/Elísabet Blöndal

Ragnheiður Axel, Noémie Merlant og Liljar Már Þorbjörnsson. Ljósmynd/Elísabet Blöndal

Ívar Pétur spilaði tónlist í teitinu. Ljósmynd/Elísabet Blöndal

Kristín Jóhannesdóttir og Vera Sölvadóttir. Ljósmynd/Elísabet Blöndal

Alexandre Labruffe og Kim Minkyung. Ljósmynd/Elísabet Blöndal

Grace Achieng hönnuður. Ljósmynd/Elísabet Blöndal

Ljósmynd/Elísabet Blöndal

Lóa Hjálmtýsdóttir og Hugleikur Dagsson. Ljósmynd/Elísabet Blöndal

FM Belfast í stuði. Ljósmynd/Elísabet Blöndal

Noémie Merlant svaraði spurningum Veru Sölvadóttur eftir sýningu á mynd hennar Konurnar á svölunum á frönsku kvikmyndahátíðinni. Ljósmynd/Elísabet Blöndal