„Það er mikilvægt á þessum tímapunkti að ríkisstjórnin svari því hvernig þjóðhagslegra hagsmuna er gætt við aukningu strandveiða,“ segir Heiðrún Lind Marteinsdóttir, framkvæmdastjóri SFS.

„Verði af aukningunni er óumdeilt að heildarafkoma í sjávarútvegi verður verri. Tekjur verða minni, kostnaður meiri, tekjur sjómanna og landverkafólks minni og olíunotkun meiri, svo fátt eitt sé nefnt. Á mannamáli þýðir það að samfélagið verður af verðmætum, tekjur ríkissjóðs verða lægri, framlag til hagvaxtar og velferðar verður minna og lífskjör verri en ella. Var það vilji þjóðarinnar í nýafstöðnum þingkosningum?“ spyr Heiðrún Lind. 

Lesa má meira um málið í Morgunblaðinu í dag