Guðlaugur Þór Þórðarson, þingmaður Sjálfstæðisflokksins, mun í kvöld tilkynna um næstu skref hjá sér. Hefur hann verið sterklega orðaður við formannsframboð í Sjálfstæðisflokknum á landsfundi í lok mánaðar. 

Guðlaugur segir á Facebook-síðu sinni að hann verði í Kastljósi Ríkisútvarpsins klukkan 19.35 þar sem hann ætli sér að tilkynna um næstu skref í beinni útsendingu.

Einn hefur tilkynnt um framboð í formennsku í Sjálfstæðisflokknum og það er þingmaðurinn Áslaug Arna Sigurbjörnsdóttir.

Guðrún Hafsteinsdóttir, þingmaður Sjálfstæðisflokksins, hefur einnig verið sterklega orðuð við formannsframboð.