Oddvitar Sjálfstæðisflokks og sveitarstjórnarfólk í sveitarstjórnum í Suðurkjördæmi skora á Guðrúnu Hafsteinsdóttur, þingmann flokksins og fyrrverandi ráðherra, til að bjóða sig fram til embættis formanns.

Þetta segir í tilkynningu sem send hefur verið á fjölmiðla.

Er hún á þessa leið:

„Við, oddvitar og sveitarstjórnarfólk Sjálfstæðisflokksins í sveitarstjórnum í Suðurkjördæmi, hvetjum Guðrúnu Hafsteinsdóttur til að bjóða sig fram til formanns á næsta landsfundi Sjálfstæðisflokksins.“

Undir áskorunina rita:

• Gauti Árnason, oddviti í Austur-Skaftafellssýslu
• Sveinn Hreiðar Jensson, oddviti í Vestur-Skaftafellssýslu
• Anton Kári Halldórsson, oddviti og sveitarstjóri í Rangárþingi eystra
• Eydís Indriðadóttir, sveitarstjórnarfulltrúi í Rangárþingi ytra
• Jón Bjarnason, oddviti í Hrunamannahreppi
• Friðrik Sigurbjörnsson, oddviti í Hveragerði
• Grétar Ingi Erlendsson, sveitarstjórnarfulltrúi í Ölfusi
• Bragi Bjarnason, oddviti og bæjarstjóri í Árborg
• Einar Jón Pálsson, oddviti í Suðurnesjabæ
• Hjálmar Hallgrímsson, oddviti í Grindavík
• Björn G. Sæbjörnsson, oddviti í Vogum
• Margrét Sanders, oddviti í Reykjanesbæ