Öll staðkennsla í Háskóla Íslands fellur niður á morgun á milli klukkan 8 og 13 þegar að rauð veðurviðvörun er í gildi á höfuðborgarsvæðinu. 

Jón Atli Benediktsson, rektor Háskóla Íslands, sendi tölvupóst á nemendur skólans í kvöld þess efnis. 

„Ég hvet öll til að fara varlega og fylgjast með tilkynningum Veðurstofu Íslands og lögreglu. Starfsfólk er hvatt til að vinna að heiman þar sem því verður komið,“ skrifar Jón Atli. 

Rauð veðurviðvörun tekur gildi á höfuðborgarsvæðinu klukkan átta í fyrramálið og er í gildi til klukkan 13. Spáð er miklum vindi þar sem vindhviður geta farið upp í 33 m/s. 

Hefur þegar verið mælst til þess að foreldrar barna á grunn- og leikskólaaldri í Reykjavík haldi börnum sínum heima á morgun.

Frétt af mbl.is

Tilkynna þarf komu barns í skóla á morgun

Foktjón er talið mjög líklegt og getur verið hættulegt að vera á ferð utandyra. 

Frétt af mbl.is

Svona hljóða rauðu viðvaranirnar