Karen Björg Eyfjörð Þorsteinsdóttir, handritshöfundur og uppistandari, hefur sett íbúð sína við Hallgerðargötu á sölu. Um er að ræða 115 fm íbúð sem er í húsi sem reist var 2020. Húsið sjálft er vandað með gluggum úr áli og er klæðning hússins einnig úr lituðu áli og með sementstrefjaplötum.

Blokkin var hönnuð af dönsku arkitektastofunni Schmidt/Hammer/Lassen í samstarfi við VA arkitekta.

Gólfhiti er í íbúðinni og tvö baðherbergi sem mörgum finnst vera sérlegur kostur. 

Eldhúsið er opið inn í stofu með eyju og er steinn á borðplötum og undirlímdur vaskur í innréttingunni.

Heimili Karenar Bjargar er einstaklega smekklega innréttað eins og sést á ljósmyndunum. 

Sjá nánar á fasteignavef mbl.is: Hallgerðargata 9