Ríkislögreglustjóri hefur lýst yfir óvissustigi almannavarna vegna þess veðurs sem spáð er næsta sólarhringinn.

Óvissustigið er sagt munu gilda frá og með kl. 12 í dag og þar til veðrið gengur niður á morgun, fimmtudaginn 6. febrúar.

Tekið er fram í yfirlýsingunni að veðrið geti valdið miklum samfélagslegum áhrifum og tjóni. Einnig geti það haft mikil áhrif á þjónustu, innviði og samgöngur á landi og í lofti.

Næsta sólarhringinn sé ekkert ferðaverður og er fólk beðið um að fylgjast vel með á vef Veðurstofunnar. Þá er farið yfir líkleg áhrif veðursins:

• Samfélagsleg áhrif á almenning
• Ekkert ferðaveður
• Raskanir á samgöngum
• Foktjón líklegt
• Útlit fyrir vatnavexti
• Snjókoma og skafrenningur með lélegu skyggni á ákveðnum stöðum á landinu