Graydon Cart­er, fyrr­ver­andi rit­stjóri Vanity Fair, seg­ir í sam­tali við Page Six að her­togaynj­an af Sus­sex, Meg­h­an Markle, hafi haldið að hún prýddi forsíðu tíma­rits­ins árið 2017 vegna góðgerðar­mála.

Svo var raun­in ekki, að sögn Cart­ers, en til­gang­ur forsíðuviðtals­ins var Harry Bretaprins og var þetta eitt af hans síðustu viðtöl­um áður en hann lét af störf­um sem rit­stjóri tíma­rits­ins.

Cart­er seg­ist ekki hafa haft hug­mynd um hver Markle væri og fannst hálftil­gangs­laust að tekið yrði viðtal við hana. Blaðamaður­inn svaraði um hæl og sagði hana ætla að gift­ast Harry prins.

Þegar Markle mætti í viðtalið runnu á hana tvær grím­ur og hún á að hafa agn­ú­ast yfir að viðtalið sner­ist um Harry prins en ekki góðgerðasam­tök og góðgerðamál­efni sem hún stóð að.

Harry og Markle byrjuðu sam­an árið 2016, trú­lofuðu sig um það leyti sem viðtalið var gefið út og giftu sig ári síðar.

Page Six