Búist er við að tala látinna af völdum flóðanna í Mósambík eigi eftir að nema nokkrum þúsundum þar sem sjúkdómar muni höggva stór skörð í raðir íbúanna og björgunarfólk eigi enn eftir að komast til einangraðra svæða þar sem búist er við að fólk hafi látist, að því er talsmaður Sameinuðu þjóðanna sagði í samtali við fréttavef Reuters í dag.

Spáð er áframhaldandi rigningu á svæðinu en bandaríski herinn skipuleggur nú alþjóðlegt hjálparstarf í landinu. Allt að 50 þyrlur og 100 bátar eru notaðir við hjálparstarfið.