Aung San Suu Kyi, leiðtogi stjórnarandstöðunnar, í Búrma hefur gengist undir umfangsmikla skurðaðgerð, að því er læknir hennar greindi frá í dag. Tin Myo Win læknir segir að líðan Suu Kyi, sem hlotið hefur friðarverðlaun Nóbels, sé stöðug. Aðgerðin hófst kl. 5 í morgun að íslenskum tíma og stóð yfir í þrjár klukkustundir.

„Líðan hennar er stöðug og hún er 100% í lagi,“ sagði Tin Myo Win við blaðamenn í morgun. „Hún talar. Henni verður haldið hér í einhverja daga.“

Fyrr í vikunni fór Suu Kyi í aðgerð á kvensjúkdómadeild einkarekins sjúkrahúss. Hún hefur verið í stofufangelsi herforingjastjórnarinnar á Búrma frá því í maí.

Tengdar fréttir

Aung San Suu Kyi

Hörð viðbrögð við dómi yfir Suu Kyi

• Tilraun til að fá Suu Kyi lausa úr stofufangelsi bregst
• Bretum sagt að skipta sér ekki af innanríkismálum Búrma
• Flokkur Suu Kyi sækir ekki stjórnarskrárráðstefnu
• Aung San Suu Kyi leyst úr stofufangelsi

» Fleiri tengdar fréttir

• Blogga um frétt