Kínverska heilbrigðisráðuneytið skýrði frá því í dag að grunur um að þrjú sjúkdómstilfelli í landinu orsökuðust af bráðalungnabólgu (HABL), hefði reynst réttur. Alls hafa níu tilfelli bráðalungnabólgu greinst í Kína, frá því sjúkdómsins varð vart þar að nýju. Í fyrra létust um 800 manns í heiminum úr sjúkdómnum, af þeim um það bil 8.000 sem smituðust af honum.

Ekki er vitað um fleiri tilfelli í Kína þar sem um bráðalungnabólgu gæti verið að ræða, en nokkur hundruð manns sem hafa átt samskipti við þá sem nú eru smitaðir, gangast nú undir læknisrannsóknir.

• Blogga um frétt